منتدى الجرح


    اللـه اكبر كيف عني تخليت

    شاطر
    avatar
    الجرررح

    المساهمات : 97
    تاريخ التسجيل : 06/02/2011

    اللـه اكبر كيف عني تخليت

    مُساهمة  الجرررح في الأحد 20 فبراير 2011, 15:15

    الـله اكبر كيف عني تخليت وحاربتني من دون ذنب وخطيّه

    احسبك تذكرني إذا اصبحت وامسيت<*<*<*
    واثرك على فرقاي نفسك هنيّه

    الله اكبر كيف عنّي تخلّيت<*<*<*
    من بعد ما علقت روحي البريّه

    وش غيّرك وش بدّلك ليه صدّيت<*<*<*
    وانت الذي بالقلب نبض وهويّه

    من هو بقى لي بعدما عنّي اقفيت<*<*<*
    وقدمتني للحزن اثمن هديّه

    كلش تخيلته ولا يوم ظنيت<*<*<*
    إنك لحد غيري ولانتاب ليّه

    ويلك من الله كيف بالحب ضحّيت<*<*<*
    قلبك حجر ما حنّ يومٍ عليّه

    اللي بنينا بْعمر في يوم هدّيت<*<*<*
    واحلامنا ما عاد منها بقيّه

    اتعد غلطاتي إذا يوم زليت<*<*<*
    من دون مدري .. وين ذيك الحميّه

    مافيه معصوم الخطا لو تحريت<*<*<*
    ولا فيه كامل غير رب البريّه

    ولو ما احبك ما نشدتك ولا اطريت<*<*<*
    بعدك وصدك وانتخيتك نخيّه

    ترجع لقلبٍ يوم بالعقل حبيت<*<*<*
    وتترك هل الأحقاد واهل الوشيّه

    خايف عليك وخايفٍ منك ياليت<*<*<*
    مايوم حبيتك وصرت الضحيّه

    لا نيب حي بعد هجرك ولا ميت<*<*<*
    ولا ني مريض ينعرف بالشكيّه

    لكني ادرى بحالتي لا ترديت<*<*<*
    ولا ينفع الملتاع طبه وكيّه

    مالي سوى اللي كلما راح ناديت<*<*<*
    يا كود يسمعني ويرجع إليّه

      الوقت/التاريخ الآن هو الأحد 18 نوفمبر 2018, 05:22